Çox ləzzətli bananli_qerkules yulaflı peçenyalar...

Bu zəngin dadlı peçenyaları hazırlanma qaydasını yazmamşdan öncə onların ən yaxşı 

xüsüsiyyətlərini sizə deyim: 

Bu peçenyaların tərkibində un, kərə yağı, yumurta YOXDUR!

Bəli,bəli yoxdur! 

 Deməli siz bunu yeyərkən özünüzü günahkar saymaya da bilərsiniz,çünki orqanizminizə tamamilə sağlam qidanın qəbul olunacağından əmin ola bilərsiniz!

İndi isə reseptə keçək:

                                                              Sizə lazım olan məhsullar:
- 3 banan
- 2 stəkan qerkulas yulafı
- 1 stəkan tumu çıxarılmış, xırda doğranmış xurma qurusu
- 1/2 stəkan kişmiş
- 1/2 stəkan qoz
- 1/2 stəkan şokolad damcıları və ya hər hansı sevdiyiniz şokolad (istəyə görə)
- 1/4 stəkan bitki yağı (təmiz qarğıdalı yağı məsləhət görərdim)
- 1/2 çay qaşığı darçın tozu
- bir çimdik duz
                                                

                Hazırlanma qaydası:                                             

İLK NÖVBƏDƏ sobanı 170 dərəcə istidə qızmağa qoyun.

 1. Bananlarımızı bir qaba yığıb, çəngələ əzin. Üzərinə yulafı əlavə edin. Düzdü, mən bütün inqredientləri qaba yığandan sonra qarışdırıram, amma ki, bananları əzib inqredientləri yığmaq da daha asan olur.

2. Xurma qurusunun tumunu çıxarıb doğrayın. Yulaflı-bananlı qarışığa əlavə edin. Mən kişmiş uzunsov olduğundan yarıya doğradım. Amma təbii ki, bu istəyə görədir. Kişmişi də qarışığa əlavə edin.

 3. Qozları və şokoladları blenderə yığın və eyni ölçülü qarışıq olanda dayanın və alınan kütləni bananlı-yulaflı qarığın üzərinə əlavə edin.

 4. İndi isə qalan inqredientləri əlavə edin. 1/4 stəkan yag, darçın tozu və bir çimdik duz.

5. Bütün bunları yaxşıca qarışdırın.

6. Qarışıq qoyun 10 dəqiqə qalsın.

7. Sonra isə xörək qaşığı ilə kütlələr ayırıb, folqa listinin üzərinə düzün. Qeyd edim ki, bu peçenyalar bişəndə formasını saxlayır. 

 8. Sobaya yerləşdirin və saatınızı 25 dəqiqəyə qoyun.

 9. 25 dəqiqədən sonra peçenyaları sobadan çıxarıb süd ilə həm dadından zövq alın, həm də sağlam qalın! :)

 

 Sağlamlıq cazibədardır! :)